.... فريدة
خمسة وخميسة بدالية
فى عين ....الوحشين
دلوعة بابا.....ومامتها
وعماتها ........اتنين
سكرها مكرر ياخواتى
وبالصلاه ع الزين
خمسه ف عين كل اللى يشوفك بعنيه الاتنين
وماقالش ياناس الله اكبر ياصلاة الزين
الورد منور فى خدودك مع غمازتين
اسم الله و اسم النبى حارسك ست الحلوين
دى حبيبة تيته صغنتوته عندها سنتين
بكره هتكبر تبقى عروسه وهتملى العين
شايفينها ياناس واخده جمالى وخفة دمى
لما بتضحك وانا بلاعبها قلبى يسمى
الحلوه الأموره حبيبتى تبقى حفيدتى
بنت ابنى فريده اما الاعبها بيروح همى
لما تشوفنى تشابى عليا وتيجى بحضنى
وبحس ان اديها النونو مليانه حنان
لما اديها تلمس قلبى روحى تسيبنى
وكأنى للمره الأولى بحضن انسان
ايمان العطيفى همسات جنوبيه
ليست هناك تعليقات:
إرسال تعليق