مشمش
لما شاورتلك تعال
كسرتك دمعة عنيها
لما قالتلك فى قلبي
ونن عنينى مطرحك
يومها أول يوم أشوف دمعة عينيك
كات دموعها بتجرحك
وف أقل من دقيقة
قمت باصم ع الفرار
حبها أصدق حقيقة
وبعدنا أصعب قرار
روحت لامم هدمتينك جوه شنطه
الأجازة ف يوم ماضيتها
وتذكرة طياره فورى بكام دينار
وفى قفص مقفول بكل برود
رمتنى !!
اااه ياريتنى..
ما يوم عرفتك
كان يوم اسود يوم ما شفتك
ذنبى أيه ترمينى وتفوتنى وحيدة ؟
انت فاكر ان انا ف بُعدك سعيدة ؟!
والا صاحبك هيصاحبنى؟
والا رغم البهدلة ف الشغل
والغربه المميته هيلاعبنى؟
عارفه انك لما ترجع....هتراضينى
عارفه ان دموع عنيك..هتقولى سامحي....
باعتذرلك
محتملتش دمعة أمي...
بس صاحبك عمره يوم ماهيبقى صاحبي
أوع تتأخر ياصاحبي
ما أنت أمي .
وانت خالى وانت عمى.
واللى مش فاهم يقولك
أخرته بيحب قطة
إيمان العطيفى
مصر
ليست هناك تعليقات:
إرسال تعليق